Aqtaýda alǵash ret shahmattan álem chempıonaty bastaldy
Chempıonat eki jas kategorııasynda ótedi. 12 jáne 18 jasqa deıingi sanat. Jarysqa 53 elden 400-ge jýyq oqýshy qatysady. Qatysýshylardyń ishindegi eń alys elderden kelgen oqýshylar Paragvaı, Perý, Madagaskardan elderinen. Bul jarys álemniń tórt buryshyndaǵy kontınetterden jınalǵan qatysýshylarǵa erekshe dostyq jaǵdaıynda básekelestik pen mádenı tájirıbe almasý úshin úlken alań bolmaq.
Ashylý saltanaty aıasynda qatysýshylardy Halyqaralyq shahmat federatsııasynyń (fide) prezıdenti Arkadıı Dvorkovıch quttyqtady.
«Sizder óz elderińizdiń jeńimpazdary men naǵyz juldyzdarysyz jáne kóptegen jetistikterge qol jetkizdińizder. Álemniń túkpir-túkpirinen Kaspıı teńiziniń jaǵasyna halyqaralyq jarysta kezdesýlerińiz sonyń dáleli. Biz osy chempıonatty uıymdastyrǵany úshin barsha Qazaqstanǵa, QR shahmat federatsııasyna, Mańǵystaý oblysynyń ákimdigine jáne «Freedom Finanse» kompanııasyna alǵysymyzdy bildiremiz. Bul jarysta sizder ártúrli kontınentterden kelgen dostar taýyp qana qoımaı, úılerińizge baqytty sátterge toly jyly esteliktermen qaıtatynyńyzǵa senimdimiz. Aldaǵy ýaqytta da sizder óz elderińizdiń namysy úshin shahmat oınap, ártúrli jarystarda óner kórsetetinińizge senimdimin.
Birneshe aı buryn osynda álemniń 50-nen sportshy jınaımyz degende, bul mıssııany júzege asyrý múmkin emes dep oıladyq. Alaıda birigip múmkin emesti júzege asyrdyq. Men sizderge árdaıym múmkin emes bıik bolyp kórinetin armannyń barlyǵy qol jetkizýge tilektespin. Sáýir aıynda biz Astanada shahmattan álem chempıonatyn ótkizdik. Bul oqıǵa Qazaqstandy shahmat astanalarynyń birine aınaldyrdy. Bizge sengen jáne birge jumys istegenderdiń barlyǵyna alǵys aıtamyn. Qazaqstanda qazir shahmattyń «býmy» dep esepteımin. FIDE-niń maqsaty da osy, álemniń ár elinde shahmatqa degen qyzyǵýshylyqty arttyrý, ony júzege asyrý ońaı emes, alaıda múmkin emes eshteńe joq ekenine senemin», - dedi Arkadıı Dvorkovıch.
«Búgin biz Kaspıı teńiziniń jaǵalaýyndamyz. Bul jarys iri qazaqstandyq shahmat týrnırleriniń ortalyqtary – Astana men Almatyda emes, Aqtaýda ótip otyr. Chempıonatty ótkizý barysy, bizdiń zııatkerlik ult qalyptastyrý, adamı áleýetti nyǵaıtý jáne bilimdi ilgeriletý jónindegi elimizdiń strategııalyq mindetterine tolyq sáıkes keledi. Osy maqsatty júzege asyrýda shahmat mektepteriniń róli orasan. Búgin bastalǵan týrnır joǵary deńgeıde, jaqsy kóńil kúıde ótetinine kúmánim joq. Oqýshylar arasyndaǵy básekelestik rýhy, shahmat taqtasyndaǵy keremet oıyndy qamtamasyz etetinine senimdimin», - dedi Tımýr Týrlov.
Qazaqstannyń alty qalasynan kelgen on mekteptiń oqýshylary, chempıonatta elimizdiń atynan óner kórsetpek. Balalar joǵary deńgeıli oıyn kórsetý úshin jarysqa uzaq daıyndalǵan.
Qazaqstan chempıonatqa qatysýshylar tizimi:
* It mektep-lıtseıi, Aqtaý;
*N. Marabaev atyndaǵy №7 mektep-lıtseıi, Aqtaý;
* M. Gandı atyndaǵy № 92 mamandandyrylǵan lıtseıi, Almaty;
* Respýblıkalyq fızıka-matematıka mektebi, Almaty;
* Fızıka-matematıka baǵytyndaǵy Nazarbaev Zııatkerlik mektebi, Almaty;
* №72 mektep-lıtseıi, Astana;
* Respýblıkalyq fızıka-matematıka mektebi, Astana;
* «Bilim-Innovatsııa» oblystyq lıtseı-ınternaty, Atyraý;
* Daryndy balalarǵa arnalǵan № 8 mektep-lıtseı, Pavlodar;
* O. Joldasbekov atyndaǵy №9 IT-lıtseıi, Shymkent.
Resmı bólimnen keıin, qatysýshylar men qonaqtar úshin, chempıonatty odan ári qyzyqty ete túsetin baı ekskýrsııalyq jáne oıyn-saýyq baǵdarlamasy uıymdastyryldy.
Jarysta sımvoldyq birinshi qadamdy 18 jasqa deıingi sanatta Mańǵystaý oblysynyń ákimi Nurlan Noǵaev, al 12 jasqa deıingi sanatta Qazaqstan shahmat federatsııasynyń prezıdenti Tımýr Turlov oryndady. Resmı bólimnen basqa, qatysýshylar men qonaqtar úshin bul chempıonatty odan ári qyzyq ári este qalalarlyq etý úshin, baı ekskýrsııalyq-oıyn-saýyq baǵdarlamasy uıymdastyrylǵan.
Aqtaý tarıhyndaǵy shahmattan alǵashqy álem chempıonaty barlyq shahmat áýesqoılary úshin erekshe mereke bolmaq.
Týrnır 8 tamyzǵa deıin «Halyk Arena» kesheninde ótedi.
