Aqtaýda aǵylshyn mektebinen 150 oqýshy evakýatsııalandy
ASTANA. QazAqparat - Nekrasov atyndaǵy aǵylshyn mektebinen órt shyqty. 150-ge jýyq oqýshy evakýatsııalandy, dep habarlady lada.kz">lada.kz .
Qalanyń órt sóndirý jáne avarııalyq-qutqarý jumysy qyzmetiniń habarlaýynsha oqıǵa týraly dabyl 9.10-da tústi. Jalyn mekteptiń ekinshi qabatynda tutanǵany anyqtaldy. Tilsiz jaý 9.31-de tolyqtaı sóndirildi. Oqıǵadan zardap shekkender joq ekeni atap ótiledi.
«Ekinshi qabattaǵy oqý synybynda splıt-júıe órtengen. Qatty tútindep ketkendikten barlyq oqýshylar qaýipsiz jerge shyǵaryldy. Kezekshi tergeýshi órttiń shyǵý sebebi men keltirilgen shyǵyn kólemin anyqtaýda. Jalyndy sóndirýge jeke quramnan 12 qyzmetker, tórt tehnıka jumyldyryldy», - dep habarlady órt sóndirý qyzmetinen.
