Aqtaýda Ábish Kekilbaıuly týraly teatrlandyrylǵan qoıylym ótti

AQTAÝ. QazAqparat - Ábish Kekilbaıulynyń 80 jyldyǵyna arnalǵan mereıtoılyq sharalar Abaı atyndaǵy mádenı-demalys kesheninde jalǵasty, dep habarlaıdy QazAqparat tilshisi.

Saltanatty shara shymyldyǵy aıtysker aqyn Mels Qosymbevtyń Ábish Kekilbaıulyna arnaýymen túrildi.

Jazýshyǵa arnalǵan teatrlandyrylǵan qoıylym kópshiliktiń kóńilinen shyqty. Qoıylymda Ábishtiń balalyq shaǵy beınelendi. Uıyqtap jatqan sábıge Qudaı aıan beredi.

«Tur - seniń ornyń minber»-degen sózden soń oıanady. Allanyń amanat buıryǵyn alǵan tobanaıaq bala aıtqandy oryndady. Ýaqyttyń minberinen máńgilik oryn aldy.

Sultanbek Qudaıbergenniń stsenarııin Serik Sarıev kórermenge áserli jetkizdi. Jazýshy ómiriniń jıyntyǵyn sahnalaý úshin ónerpazdardyń is-qıymyly ekrandaǵy Baqytjan Bozabaev jasaǵan beıne úziktermen úılestirilip, Ashat Ýbaıdýllaev usynǵan áýendermen súıemeldendi.

Sharaǵa qatysqan Úkimet basshysynyń orynbasary Berdibek Saparbaev kósemsóz sheberiniń táýelsizdikti saqtaý maqsatyndaǵy eńbegin joǵary baǵalap, Elbasynyń quttyqtaý hatyn oqyp berdi.