Aqtaýda Ábish Kekilbaev atyndaǵy mádenı ortalyq boı kóterýde
AQTAÝ. QazAqparat - Aqtaýda Ábish Kekilbaev atyndaǵy mádenı ortalyq qurylysy yrǵaqty júrip jatyr, dep habarlaıdy QazAqparat tilshisi.
Alash abyzy Ábish Kekilbaev Mańǵystaýdy ashyq aspan astyndaǵy murajaı dep ataǵan edi. Bıyl jazýshynyń 80 jyldyq mereıtoıy atap ótilmek. Osyǵan oraı, Aqtaý qalasynyń 19a yqshamaýdanynda Ábish Kekilbaev atyndaǵy mádenı ortalyqtyń qurylysy boı kóterýde. Jańa qurylys qarqynymen oblys ákimi Eraly Toǵjanov tanysyp, jaýapty mamandarǵa atalmysh ortalyqtyń qurylysy bıylǵy jyldyń kúz aıynda aıaqtalyp, paıdalanýǵa berilý kerektigin tapsyrdy. Sondaı-aq, qurylys materıaldarynyń sapasymen tanysty. Jospar boıynsha bul jerde 2 qabatty Ábish Kekilbaev mádenı ortalyǵy, oblystyq mýzeı men kitaphana ashylatyn bolady. Ǵımarat ortasynda sýburqaq ta bolmaq. Jalpy aýmaǵy 7,7 gektardy alyp jatqan qurylysta qazir 80-ge jýyq jumysshy eńbek etýde.
Aıta keteıik, oblys mektepterinde «Ábishtaný» synyptary ashylǵan bolatyn.
