Aqtaýda Abaı Qunanbaıulynyń eskertkishi ashyldy

Bıiktigi 5 metr, eni 3,3h3,6 bolatyn músin «Abaı» atyndaǵy mádenı demalys kesheniniń aldyna ornatyldy. Saltanatty sharaǵa oblys ákimi Eraly Toǵjanov qatysty, dep habarlaıdy QazAqparat Mańǵystaý oblysy ákimdiginiń baspasóz qyzmetine silteme jasap.

«Abaı eskertkishiniń ashylýy qala tarıhyndaǵy mańyzy óte zor oqıǵa. Aqynnyń ómiri, istegen isi, jazǵan óleńderi men sózderi óz halqynyń taǵdyrymen tyǵyz baılanysty. Búginde «Adamzattyń Abaıy» atanyp ketken kemeńger aqynnyń atyndaǵy kósheler men eskertkishteri elimizdiń túkpir-túkpirinde, tipti, álemniń biraz qalalarynda bar. Londonda Abaı úıi, Kaırde, Berlınde, Kıevte, Bishkek, Baký, Nıý-Delıde aqynǵa kósheler berilse, Tashkent, Máskeý, Tegeran, Beıjiń men Býdapesht sııaqty álemniń kóptegen qalalarynda esil erdiń eńseli eskertkishteri men músinderi ornatylǵan. Sonyń árqaısysynda Abaıdyń aty jańasha asqaqtap, halqymyzdyń mártebesi jańa bıikke kóterilýmen keledi» - dedi Eraly Toǵjanov.

Sonymen qatar aımaq basshysy jańa «Aq Qala Moll» saýda oıyn-saýyq kesheniniń ashylýyna qatysty 23 myń sharshy metrdi quraıtyn 5 qabatty ǵımaratta 17 myń saýda orny, gıpermarket, fýdkort, bes zaldy kınoteatr, 2 qabatty qamtıtyn 2,5 myń sharshy metrlik balalar parki jáne aýmaǵy 350 sharshy metr bolatyn Qazaqstandaǵy eń iri kontaktty zoobaq ashylmaq. Jańa formattaǵy saýda oıyn-saýyq ortalyǵynda bıiktigi 23 metr bolatyn sarqyrama ornatylady. Saýda ortalyǵynda 300 oryndyq jerasty avtoturaq bolady.