Aqtaýda 9-qabattan sekirmek bolǵan er adam qutqaryldy
AQTAÝ. QazAqparat - Aqtaýda er adam 1-shaǵynaýdandaǵy 9 qabatty úıden sekirmek boldy, dep habarlaıdy Qazaqparat tilshisi MO ІІD baspasóz qyzmetine silteme jasap.
Habarlamada er adamnyń úıdiń tóbesinen sekirip, óz-ózine qol jumsaǵysy kelgeni aıtylǵan. Qutqarýshylar men tártip saqshylary ony kóndirip, jerge túsirip alǵan. Ol osy úıdiń 6-qabatynda turady eken.
«Anyqtalǵandaı, er adam súıikti qyzymen urysysyp qalǵan. Sondyqtan osyndaı áreketpen, kóńilin aýdarmaq bolypty» delingen habarlamada.
Er adamǵa qatysty QR Ákimshilik kodeksiniń 434-baby (Usaq buzaqylyq) boıynsha is qozǵalǵan.
