Aqtaýda 8 shaǵyn aýdannyń turǵyndary aýyz sýsyz qaldy
AQTAÝ. KAZINFORM — Qalada aýyz sý máselesi keshe bastalǵan. TsÝVS-3 magıstraldyq qubyrynyń boıynda 110 metr aýmaqta apat bolǵan. Saldarynan 8 shaǵyn aýdanda sý joq. Apat bolǵan jerde jóndeý jumystary jalǵasyp jatyr.
«Kaspıı jylý sý arnasy» mekemesiniń basshysy Tanash Ýskenovtiń aıtýynsha, keshe sýdan ajyrap qalǵan shaǵyn aýdandarǵa TsÝVS-4 sýmen jabdyqtaý torabynan sý berilgen. Alaıda búgin tańerteń 24-shaǵyn aýdanda taǵy eki jerde apat boldy.
— Jóndeý jumystary jalǵasyp jatyr. TsÝVS-4 ortalyǵynan sý berilip jatyr. Tutyný kólemi artty. Kóp uzamaı jaǵdaı turaqtalýy tıis, — deıdi Tanash Ýskenov.
Alaıda, turǵyndar páterlerinde aýyzsýdyń joqtyǵyn aıtyp, Mańǵystaý oblysy ákimdiginiń telegram chatynda shaǵymdanyp jatyr.
Buǵan deıin, Mańǵystaýdyń Qaraqııa aýdanynda dronǵa uqsas zat tabylǵany týraly jazǵan edik.