Aqtaýda 7300-ge jýyq bala birinshi synypqa bardy

AQTAÝ. QazAqparat - Aqtaýda osy oqý jyly 7300-ge jýyq bala birinshi synypqa bardy, dep habarlaıdy QazAqparat tilshisi.

Qazirgi tańda Aqtaý qalasy boıynsha 177 bilim oshaǵy óz jumysyn bastady. Onyń ishinde 53 mektep, 122 balabaqsha, 2 qosymsha bilim berý uıymy bar.

«Bıyl Aqtaý qalasy boıynsha jańa oqý jylynda balabaqshalarda 17 myńnan astam búldirshin jáne mektepte 63 myńǵa jýyq oqýshy bilim alady dep josparlanǵan. Jalpy «Jaıly mektep» jańa ulttyq jobasy aıasynda Aqtaý qalasy boıynsha 10 600 oryndyq 8 mektep salý josparlanyp otyr. Onyń 6-nyń qurylysy bıyl bastalady»- dedi Aqtaý qalasy ákiminiń orynbasary Nurtas Salı.

Jańa oqý jylynda Aqtaý qalasynda 6 jekemenshik mektep paıdalanýǵa berildi. Atap aıtqanda, 17 sh/a «Tanym», 35 sh/a «Jaısań bala-2» jáne «Sana», 19A sh/a «Advanta», Tolqyn-1 aýdandynda «Meta» jáne «Jas qanat» mektebi. Alty jekemenshik mektepte 2724 oqýshy bilim alady dep josparlanǵan.

«Jyl basynan beri jekemenshik mektepterden bólek, Aqtaýda 15 jekemenshik balabaqsha ashyldy. Onyń ekeýi senimgerlikpen basqarýǵa berilgen. Atap aıtqanda, 7-shaǵyn aýdandaǵy 300 oryndy «Vala land» jáne 26-shaǵyn aýdandaǵy 280 oryndy «Erkemaı» balabaqshasy», - dedi Aqtaý qalalyq bilim bóliminiń basshysy Baǵdat Turǵanbaeva.