Aqtaýda 70 jastaǵy keıýana 2-qabattan qulap kóz jumdy
AQTAÝ. QazAqparat - Aqtaýda 70 jastaǵy áıel 2-qabattan qulap qaıtys boldy, dep habarlaıdy QazAqparat tilshisi.
Ony 5-shaǵynaýdan, 39-úıdiń artynda qansyrap jatqan jerinen turǵyndar kórip, dereý jedel járdem qyzmetine habar bergen. Oblystyq densaýlyq saqtaý basqarmasy baspasóz hatshysynyń habarlaýynsha, telefon tańerteńgi saǵat 8.40 shamasynda soǵylǵan. Jedel járdem brıgadasy 10 mınýtta oqıǵa ornyna jetti.
«Dárigerler sol jerde áıel adamnyń sol jaq bilek súıeginde jabyq synyq, urshyq súıeginiń sol jáne oń jaǵyna zaqym kelgenin anyqtady. Qarııa shuǵyl túrde Mańǵystaý oblystyq aýrýhanasynnyń qabyldaý bólmesine jetkizildi. Ókinishke qaraı, saǵat 9:45 shamasynda esin jımaı, kóz jumdy»,-deıdi oblystyq densaýlyq saqtaý basqarmasynyń baspasóz hatshysy Nurbol Okýov.
Al, oblystyq polıtsııa departamenti baspasóz qyzmetiniń málimetinshe, ázirge bul is tergelýde.
«Atalǵan derek QR Qylmystyq kodeksiniń 105-babyna sáıkes sotqa deıingi biryńǵaı tizilimge tirkeldi. Sotqa deıingi tergeý amaldary júrip jatyr. Sot-medıtsınalyq saraptama taǵaıyndaldy»,-deıdi oblystyq polıtsııa basqarmasy baspasóz qyzmetiniń basshysy Aıgerim Ibatýllaeva.
