Aqtaýda 67 jastaǵy turǵynnyń júregine erekshe ádispen ota jasaldy

Mańǵystaý oblystyq kópbeıindi aýrýhanasynda júrekke operatsııanyń erekshe túri jasaldy. Endi kardıohırýrg-dárigerler júrekke ota jasaý úshin tósti tereń tilmeı-aq, qabyrǵa aralyq shaǵyn kesindi arqyly aorta-koronarly shýnttaý operatsııasyn jasaıdy, dep habarlaıdy Kazinform. 

Kardıohırýrg-dáriger Ábýnasyr Sýhanovtyń aıtýynsha, buǵan deıin aorta-koronarly shýnttaý operatsııasy klassıkalyq jolmen jasaldy. ıAǵnı, ota kezinde naýqastyń tósin aramen 25 sm deıin kesetin edi. Al qazir ońtaıly ádis arqyly naýqasqa qaýipsiz ári jeńil túrde ótetin operatsııany engizgen.

«67 jastaǵy aqtaýlyq turǵynǵa qabyrǵa arasynan 5-7 sm kesindi arqyly aorta-koronarly shýnttaý operatsııasy jasaldy. Úsh shýnt jasadyq, qazirgi tańda naýqastyń jaǵdaıy jaqsy. Erkin qozǵalyp, qolyn aýyrsynýsyz kótere alady. Eger biz tósin kesý arqyly ota jasaıtyn bolsaq, onda naýqas 6 aı boıy arqasymen jatatyn edi. Al qazir naýqas otadan keıingi úshinshi kúni ózdiginen júredi», - dedi kardıohırýrg-dáriger Ábýnasyr Sýhanov.

Sonymen qatar atalǵan otanyń tıimdiligi – tóstiń ashylý qaýpi bolmaıdy, ońaltý kezeńi tez júredi, tilik kólemi az bolǵandyqtan naýqas kóp qan joǵaltpaıdy.

«2022 jyly júregim aýyryp, ota jasalyp, tórt ret stend qoıdyrǵan edim. Bir-eki jyldan soń qaıta júregim aýyra bastady. Oblystyq aýrýhanada júregime ota jasatýǵa sheshim qabyldadym. Qazir jaǵdaıym jaqsy, eshqandaı aýyrsyrý joq. Aýrýhana dárigerleri men medbıkeleri de jaqsy qarap jatyr. Aýrýhana basshylyǵyna jáne Ábýnasyr Jetpisulyna alǵysym sheksiz», - dedi naýqas.