Aqtaýda 65 mln teńgege jóndelgen eskertkishtiń tuǵyryn qaıta jóndeýge týra keldi
AQTAÝ. KAZINFORM — Aqtaýda Tobanııaz Álnııazulyna ornatylǵan eskertkishtiń tuǵyryn tystaǵan qaptamalar qulaı bastady. Qazirgi ýaqytta alyp músinniń qaptama taqtaıshalary synyp, taǵy jóndeýdi qajet etetini belgili boldy.
Qalanyń 12-shaǵynaýdanynda ornatylǵan eskertkishti jańartýǵa buryn 65 313 642 teńge jumsalǵan bolatyn.
Aqtaý qalalyq turǵyn úı-kommýnaldyq sharýashylyq bólimi qazir abattandyrý boıynsha merdiger anyqtalǵan soń eskertkish tuǵyry qaıta qalpyna keletinin málimdedi.
— Búgingi tańda qalany abattandyrý nysandaryn kútip ustaýmen aınalysatyn merdiger mekemeni anyqtaý úshin konkýrs rásimi júrip jatyr. Ony anyqtaǵannan keıin 12 shaǵynaýdandaǵy eskertkishtiń synǵan plıtkalaryn qalpyna keltirý jumystary júrgiziledi, - dedi Aqtaý qalalyq turǵyn úı-kommýnaldyq sharýashylyq bóliminiń mamandary.
