Aqtaýda 6 jasar bala ýlanyp qaıtys boldy
AQTAÝ. QazAqparat - Aqtaýdaǵy 13-shaǵynaýdanda jeke úıdi dezınfektsııalaý kezinde 6 jasar bala ýlanyp qaıtys boldy, dep xabarlaıdy QazAqparat tilshisi.
Mańǵystaý oblystyq densaýlyq saqtaý basqarmasynyń málimetinshe, tańerteńgi saǵat 10-da balalar aýrýxanasyna úsh búldirshin aýyr xalde túsken. Olarǵa toksıkalyq ýlaný dıagnozy qoıylǵan.
«Ókinishke qaraı, 6 jasar er bala tilge kelmesten qaıtys boldy. Qalǵan 2005, 2006 jyly týǵan eki qyz balanyń jaǵdaıy birqalypty», - delingen xabarlamada.
Qazir balalardyń janynda anasy bar. Aldyn ala málimet boıynsha, 13-shaǵynaýdan turǵyny jándikterdi ýlaý maqsatynda úıin dızenfektsııalap, ózi ketip qalǵan. Kórshilerine eskertpegen. Saldarynan janyndaǵy páterde turatyn otbasynyń 3 balasy ýlanyp otyr. Olardyń janynda ákesi bolǵan.
Mańǵystaý oblystyq polıtsııa departamentiniń xabarlaýynsha, atalǵan derek Aqtaý qalasy polıtsııa basqarmasynyń sotqa deıingi tergeýdiń biryńǵaı tiziliminde QR QK 104-babynyń 1-tarmaǵymen tirkelgen. Barlyq qajetti saraptamalar taǵaıyndaldy. Qazirgi tańda sotqa deıingi tergeý júrip jatyr.
