Aqtaýda 52 jastaǵy turǵyn adam qolynan qaza tapty
AQTAÝ. KAZINFORM – Búgin tańda Aqtaýdaǵy kópqabatty úılerdiń birinen áıel adamnyń máıiti tabyldy.
Anyqtalǵan derek boıynsha, marqum azamatsha 1972 týǵan. Ol Aqtaý qalasyndaǵy 14 shaǵyn aýdandaǵy kóp qabatty úıdiń ekinshi qabatyndaǵy páterlerdiń birinde turǵan. Kórshileriniń sózinshe, búgin tańda atalǵan úı turǵyndary tómengi qabatta bolǵan órtten oıanǵan kórinedi.
«Tań atyp kele jatqan bárimiz dalaǵa shyqtyq. Sebebi, aýlaǵa órt sóndirý kóligi men polıtsııa kelgen edi. Bilýimizshe, bul qyzmet ókilderin órt bolǵan pátermen irgeles kórshilerdiń biri shaqyrdy. Al marqum áıeldi óziniń zańdy nekege tirkelmegen kúıeýi óltirgen degen kúdik bar», — deıdi kórshileriniń biri.
Oqıǵadan keıin polıtsııa qylmystyq is boıynsha kúdiktini birde ustaǵanyn málimdedi. Bul týraly Mańǵystaý oblystyq polıtsııa departamenti tergeý amaldary bastalǵanyn jetkizdi.
«Kisi óltirý deregi boıynsha qylmystyq is qozǵaldy. Kúdikti ustalyp, ýaqytsha ustaý ızolıatoryna qamaldy. Tergeý múddesi úshin ózge aqparat jarııa etilmeıdi», — dedi oblystyq PD-niń baspasóz qyzmetindegiler.
Buǵan deıin Aqtaýda kólik dóńgelegin jóndeý tsehynda órt shyǵyp, eki adamdy kúıik shalǵan bolatyn. Keıin dáriger olardyń jaǵdaıynyń múshkil ekenin atady.
