Aqtaýda 5 mıllıon gúl egiledi
AQTAÝ. QazAqparat - Kaspıı mańy elderiniń sammıtine oraı Aqtaýda birjyldyq jáne kópjyldyq 5 mıllıon túp gúl egiledi, dep xabarlaıdy Qazaqparat tilshisi.
Basty nazar - delegatsııa júrip ótetin qalaishilik joldarǵa aýdarylyp otyr. 10 shaqyrym jol boıyna qalaǵa kórik beretin barqytgúl, qyrmyzy, túrik qalampyry syndy 5 mıllıon gúl egilmek.
Qalalyq TKSh bóliminiń basshysy Qaırat Aqybaevtyń aıtýynsha, gúlder teńiz jaǵalaýyndaǵy «Pıar» meıramhanasynan bastap, 32 shaǵynaýdandaǵy oralmandar ortalyǵyna deıingi jol jıegine egiledi.
Sondaı-aq, qalaǵa 7 myń pavlovnıa kóshetteri otyrǵyzylmaq. Taldar Ózbekstannan ákelinedi.
Qaırat Aqybaevtyń aıtýynsha, pavlovnıanyń bıiktigi bolashaqta 25-30 metrge deıin ósedi. Taldar dostyq úıinen bastap, jańa jol aınalmasyndaǵy 3 qumyra tóńiregine otyrǵyzylady.
Qalaǵa kórik beretin taǵy bir erekshe týyndy - gúlmen órilgen qumyra bolmaq. Kompozıtsııanyń bıiktigi 8-9 metr.
Jalpy, shahardy abattandyrýǵa respýblıkalyq bıýdjetten 823 mıllıon teńge bólingen. Qarajatqa budan bólek, joldar jóndelýde.
Aıta keteıik, delegatsııa 5 juldyzdy 6 birdeı qonaq úıge ornalasady. 
