Aqtaýda 418 myń sharshy metr turǵyn úı paıdalanýǵa beriledi
AQTAÝ. QazAqparat - Bıyl Aqtaý qalasy boıynsha 418 myń sharshy metr turǵyn úı paıdalanýǵa beriledi. Bul ótken jylmen salystyrǵanda 15% artyq. Bul týraly Aqtaý qalalyq qurylys bóliminiń basshysy Qaırat Aqybaev baspasóz máslıhatynda aıtty, dep habarlaıdy QazAqparat tilshisi.
Byltyr qala boıynsha jeke qurylys kompanııalary men bıýdjetten qarjylandyrylǵan turǵyn úılerdi qosa alǵanda 380 myń sharshy metr turǵyn úı berilgen. Al jyl basynan beri shaharda 15 myń sharshy metr turǵyn úı qoldanysqa engizildi. 33-shaǵyn aýdanda «Aqqý-1», «Aqqý-2», «Aqqý-3» turǵyn úı keshenderi boı kóterdi. Bıyl atalǵan turǵyn úı kesheniniń úshinshi kezegin aıaqtaýǵa bıýdjetten 3 mln 176 myń teńge bólindi.
Qaırat Aqybaevtyń aıtýynsha, turǵyndar «Nurly jol» jáne «7-20-25» ıpotekalyq baǵdarlamasy aıasynda baspana ala alady. Baǵdarlama aıasynda turǵyn úıler bıylǵy jeltoqsan aıynan bastap salynbaq.
«670 páterlik turǵyn úıler qurylysy júrgiziletin bolady. Jyl aıaǵyna deıin dál sol sııaqty turǵyn úıler kóteriletin bolady. Ol úıler «Turǵyn úı qurylys jınaq banki» arqyly úlestiriledi. Al jalǵa beriletin turǵyn úılerdiń qurylysy salynbaıdy. Ol bolashaqtyń enshisinde», - deıdi Aqtaý qalalyq qurylys bóliminiń basshysy Qaırat Aqybaev.
