Aqtaýda 36 shetel azamaty jaýapkershilikke tartyldy
AQTAÝ. KAZINFORM – Aqtaýda kóshi-qon talaptaryn buzǵan 36 shetel azamaty jaýapkershilikke tartyldy. Bul týraly qalalyq polıtsııa basqarmasy habarlady.
Kóshi-qon qyzmetiniń mamandary shetel azamattary men olardy qabyldaýshy tarapqa qatysty tekserý júrgizgen. Nátıjesinde 14 sheteldik Qazaqstan aýmaǵynan belgilengen merzimde shyqpaǵany úshin ákimshilik jaýapkershilikke tartylǵan.
- Olarǵa 25 aılyq eseptik kórsetkish kóleminde aıyppul salynýy nemese el aýmaǵynan ákimshilik jolmen shyǵarylýy múmkin. Taǵy 15 shetel azamatyna qatysty ákimshilik hattama toltyryldy. Sonymen qatar, sheteldikterdi qabyldaý talaptaryn saqtamaǵan 12 Qazaqstan azamaty jaýapkershilikke tartyldy, - delingen habarlamada.
Oǵan qosa, bes qazaqstandyq shetel azamattaryn zańsyz jumysqa tartqany úshin ákimshilik jaýapkershilikke tartylyp, aıyppul salyndy. Sondyqtan polıtsııa shetel azamattaryna Qazaqstanda bolý jáne jumys isteý kezinde kóshi-qon zańnamasynyń talaptaryn saqtap, qujattaryn ýaqytyly rásimdeýdi eskertti.
Buǵan deıin, Aqtaýda 205 keli bekireni kólikpen alyp bara jatqan eki adam ustaldy.
