Aqtaýda 33 jastaǵy er adam teńizge batyp ketti
ASTANA. QazAqparat - Aqtaý qalasynda er adam joldastarynyń kóz aldynda sýǵa batyp ketti, dep jazady quqyq qorǵaý organdaryna silteme jasaǵan lada.kz.
Ajal qushqan 33 jastaǵy er adam Aqtaýdaǵy 26-shy shaǵynaýdannyń turǵyny bolǵan. Onyń eki dosymen birge oblys ortalyǵynyń 4-shi shaǵynaýdanyndaǵy 7-shi úıge qarsy bette teńizde demalǵany habarlanyp otyr.
Teńizge jalǵyz ózi shomylǵan ol qas-qaǵym sátte sýǵa batyp ketken. Muny kórgen dostary polıtsııa qyzmetine habarlasqan.
Qutqarýshylardyń uıymdastyrǵan jedel-izdeý sharalarynyń barysynda er adamnyń múrdesi tabyldy.
