Aqtaýda 31 mln teńgeniń altyn áshekeılerin ótkizýge kómektesken keden qyzmetkeri 5 jylǵa sottaldy

AQTAÝ. QazAqparat - Mańǵystaý oblysynda Túrkııadan zergerlik buıymdardyń ekonomıkalyq kontrabandasyn iske asyrý deregi anyqtaldy, dep habarlaıdy QazAqparat.

Mańǵystaý oblysy boıynsha ekonomıkalyq tergeý departamenti «Áýejaı - Aqtaý» keden beketiniń bas mamanyna qatysty qylmystyq isti tergeýdi aıaqtady.

Laýazymdy tulǵa qyzmet babyn paıdalanyp, Túrkııadan Qazaqstan aýmaǵyna 80 jıyntyq altyn buıymdaryn zańsyz tasymaldaýǵa kómektesken.

Úsh qazaqstandyq keden beketiniń qyzmetkeri arqyly qundy «taýarlardy» kedendik baqylaýdan ótkizdi.

Sońǵysy astyrtyn áreketi úshin 300 myń teńge alǵan.

Esepteýge sáıkes zergerlik buıymdardyń kedendik quny 31 mln astam teńgeni , onyń ishinde kedendik tólemder – 7 mln astam teńgeni qurady.

Aqtaý qalasy sotynyń úkimimen laýazymdy tulǵa 5 jylǵa sottaldy, QR úsh azamatyna 7,8 mln teńge aıyppul salyndy.