Aqtaýda 300 adam jappaı jattyǵýǵa shyqty
AQTAÝ. QazAqparat - Aqtaý qalasynyń 15-shaǵynaýdanynyń jaǵalaýynda 300-ge jýyq sportshy jappaı jattyǵýǵa jáne sporttyq bıge jınaldy. Odan keıin sportty damytýdaǵy úlesteri úshin úzdik sportshylar men bapkerlerdi marapattaý rásimi ótti, dep habarlady «QazAqparat» HAA tilshisi.
Atap aıtqanda, 5 adam QR Mádenıet jáne sport mınıstrliginiń «Sportty damytýǵa qosqan úlesi úshin» tós belgisimen, 4 adam Mańǵystaý oblysy dene shynyqtyrý jáne sport basqarmasynyń alǵys hatymen, 30 - Aqtaý qalasynyń ákimi Serikbaı Turumovtyń alǵys hatymen marapattaldy. Olardyń arasynan Vıacheslav Chehoevty, Musa Salıhovty, Sergeı Pahomovty atap ótýge bolady. Sportshylardy Mańǵystaý oblysy ákiminiń orynbasary Maqsat Ysqaqov quttyqtap, marapattady.
Odan ári sporttyń 5 túri boıynsha jarystar jáne 6 túri boıynsha kórneki óner kórsetýler ótti. Onyń ishinde «RAI» áleýmettik shuǵyl kómek qyzmetiniń «Úmit úıi» daǵdarys ortalyǵyndaǵy áıelder men balalarǵa arnalǵan tımbıldıng ótti. Ony ákimniń alǵys hatyna ıe bolǵan Valentına Zaıtseva men daǵdarys ortalyǵynyń zańgeri Aleksandr Fokın ótkizdi.
