Aqtaýda 30-dan astam kópbalaly ana altyn men kúmisten alqa taqty

AQTAÝ. QazAqparat - Otbasy kúnine oraı Aqtaý qalasynyń ákimi Nurdáýlet Qılybaı kópbalaly analarǵa 5 altyn jáne 26 kúmis alqa tabys etti, dep habarlaıdy QazAqparat qala ákimdiginiń baspasóz qyzmetine silteme jasap.

Qala ákimi ana - adam ómirindegi basty jáne eń jaqyn adam ekenin atap ótti.

- Qurmetti analar, Sizderdi laıyqty marapattaryńyzben shyn júrekten quttyqtaımyn. Sizder - naǵyz úlgi bolatyn jansyzdar. Bala tárbıesinde ananyń róli óte erekshe. Sizderge densaýlyq tileı otyryp, elimizdiń laıyqty azamaty, jaqsy jáne sanaly urpaq tárbıeleıtinderińizge senimdimin, - dep atap ótti Nurdáýlet Qılybaı.

Qazaqstan Prezıdentiniń 2022 jylǵy 25 shildedegi jarlyǵymen 5 kópbalaly ana «Altyn alqa» jáne 26 kópbalaly ana «Kúmis alqa» nagradasymen marapattaldy.