Aqtaýda 3 jigit sýǵa ketti

AQTAÝ. QazAqparat –Aqtaýdan 43 shaqyrym Kaspıı teńiziniń jaǵalaýynda «Dýnga» munaı kompanııasynyń sorǵy stantsııasy aýdanynda úsh adam sýǵa batyp kóz jumdy. Bul týraly Mańǵystaý oblystyq tótenshe jaǵdaılar departamentiniń baspasóz qyzmeti málim etti, dep habarlaıdy QazAqparat tilshisi.

«3 tamyzda saǵat 16:38-de Túpqaraǵan aýdany «Dýnga» munaı kompanııasynyń sorǵy stantsııasy aýdanynda 3 adamnyń sýǵa batqany týraly habarlama kelip tústi.

Sol jerdegi turǵyndar 31 jastaǵy er adamdy qutqarǵan. Biraq ol aýrýhanaǵa jetpeı, jedel járdem kóliginde qaıtys boldy. Al qutqarýshylar 35 jáne 31 jastaǵy azamattardyń máıitin sýdan aly shyqty» - delingen baspasóz málimetinde.

Jigitter ruqsat etilmegen jerde sýǵa túsken.

Jalpy shomylý maýsymy bastalǵaly óńirde 10 adam sýǵa batyp qaıtys bolǵan. Onyń bireýi – jasóspirim.

Osy jaǵdaılardy eskere otyryp, Mańǵystaý oblysy Tótenshe jaǵdaılar departamenti turǵyndardan sýǵa shomylý kezinde qaýipsizdik sharalaryn qatań saqtaýdy suraıdy.