Aqtaýda 3 myń orynǵa shaqtalǵan stadıon salynady

AQTAÝ. QazAqparat – Aqtaýdyń 32-shaǵynaýdanyndaǵy Yessenov University aýmaǵynda álemdik standartqa saı keletin stadıon salynady, dep habarlaıdy QazAqparat tilshisi.

Bul týraly atalǵan ýnıversıtettiń ekonomıka departamentiniń dırektory Nurbolat Batykov málimdedi. Onyń aıtýynsha, qazirgi kezde joba óńirdegi «Kaspıı» fýtbol klýbymen jáne bas bapkermen kelisilgen.

Jańa stadıon halyqaralyq standartqa saı keledi.

«Joba boıynsha 520 mıllıon teńge bóliný josparlanyp otyr. Qurylys aýmaǵy 1,5 gektar bolmaq. Qaı mekemeniń salatyny belgisiz. Konkýrs jarııalanady. Sondaı-aq, ınvestorlardy tartý josparlanyp otyr», - dedi Nurbolat Batykov.

Qurylys jumystary osy jyldyń aıaǵynda bastalmaq.