Aqtaýda 3-qabattan sekirgen áıel polıtseılerdi sotqa berdi
ASTANA. QazAqparat - 15 jasar qyzymen birge úshinshi qabattan jastyq qushaqtap sekirgen áıel Shymkent polıtsııa qyzmetkerleriniń ústinen aryz jazǵan. Áıel olardy ózi men qyzyn zańsyz ustaǵany úshin aıyptaǵan, dep habarlaıdy Lada.kz.
«Biz olardyń qalaı áreket etkenin tekseremiz. Іs barysynda páterdi zańdy túrde jaldaǵanyn da anyqtaıtyn bolamyz. Qazirgi tańda polıtseılerdi tergep jatyr. Zardap shegýshiniń aıtýynsha, polıtsııa qyzmetkerleri shymkenttik jedel ýákilder jaldaǵan páterde bolǵan. B. esimdi azamatsha zańsyz ustady dep aıyp taǵyp jatyr. Ol osy qyzmetkerlerge qatysty shara qoldanýdy surap, aryz jazǵan», - dep habarlady Mańǵystaý oblystyq prokýratýrasy ekinshi basqarma bastyǵynyń orynbasary Jandarbek Span.
Mańǵystaýlyq prokýrorlar 40 jastaǵy áıeldiń urlyq jasaǵany úshin izdeý salynǵan-salynbaǵanyn da tekserýge nıetti.
«Biz respýblıkalyq bazaǵa osynyń ras-ótirigin tekserý úshin saýal joldadyq. Barlyǵyn tekserip, osy áıelge qatysty tulǵalardy tergeıtin bolamyz», - dedi Jandarbek Span.
Eske sala keteıik, oqys oqıǵa 17 qazan kúni keshki 22:00 shamasynda 11-yqshamaýdandaǵy 29-úıde boldy. Bes qabatty úıdiń túbinde jatqan áıel men jas qyzdy kórshi úıdiń turǵyny baıqap qalǵan. Zardap shekken áıel aýrýhanada jatyr. Olar túrli dene jaraqattaryn alǵan.
