Aqtaýda 25 jastaǵy jigit úsh kúnnen beri izdestirilip jatyr

AQTAÝ. QazAqparat - Aqtaýda 1995 jyly týǵan jigitke izdeý salyndy. Ol úıden 3 kún buryn dostarymen shyǵyp ketkennen beri oralmaǵan, dep habarlaıdy QazAqparat tilshisi.

25 jastaǵy Nurlan Tastemirov 26 shilde kúni saǵat keshki saǵat 18.30-dan beri habarsyz ketken.

Nurlan Tastemirovtiń týystarynyń aıtýynsha, ol dostarymen birge teńiz jaǵasyna qydyrýǵa ketken. Keshki saǵat 6-dan keıin bári úılerine qaıtady. Dostary Nurlandy 29-shaǵynaýdan №15 úıge aparyp tastaǵanyn jetkizgen. Ári qaraı baılanysqa shyqpaǵan soń dereý polıtsııaǵa joǵalǵany týraly habarlaǵan.

Onyń ústinde kók jeıde, qoıý kók djınsy shalbar bolǵan. Kórgen bilgenderińiz bolsa, 8 (708) 296 36 78 nómirlerine habarlasýyn suraıdy.