Aqtaýda 228 mln teńge bıýdjet qarajatyn qaltasyna basqan kásipker jeti jylǵa sottaldy

AQTAÝ. QazAqparat - Mańǵystaý oblysynyń turǵyny 200 mıllıon teńgeden astam bıýdjet qarajatyn zańsyz ıemdenýge tyrysty, dep habarlaıdy QazAqparat.

Bıýdjet qarajatyn jymqyrý – sheneýnikter arasynda ǵana emes, sonymen birge memleket qarjylandyratyn jeke kásipkerler arasynda da keń taralǵan ekonomıkalyq qylmys.

qarjy monıtorıngi agenttiginiń Mańǵystaý oblysy boıynsha aýmaqtyq departamentiniń qyzmetkerleri bıýdjet qarajatyn ıemdený jáne ysyrap etý faktisin anyqtady.

2018-2020 jyldary quryltaıshysy 100% Mańǵystaý oblysynyń qarjy basqarmasy bolyp tabylatyn «Aqtaý turǵyn úı» JShS men «Komfort Stroı Aktaý» JShS arasynda kúrdeli jóndeýden keıin Aqtaý qalasyndaǵy 23 turǵyn úıdi qabyldaý jáne turǵyn úı-paıdalaný qyzmetine, sondaı-aq turǵyndardan aı saıynǵy qaıtarymdy tólemder men turǵyn úı kómegin esepke alýdy júrgizýge jáne qabyldaýǵa shart jasaldy.

«Komfort Stroı Aktaý» JShS dırektory ıÝ. Koreneva zańsyz baıý úshin JShS esep aıyrysý shottarynan aqsha qarajatyn qolma-qol sheship alý jolymen 228 mıllıonnan astam teńgeni qaltasyna basqan.

Aqtaý qalalyq sotynyń úkimimen ıÝ. Koreneva 7 jylǵa bas bostandyǵynan aıyryldy.