Aqtaýda 22 jastaǵy jigit poıyz astyna túsip, mert boldy
ASTANA. QazAqparat -1985 jylǵy týǵan Aqtóbe oblysynyń turǵyny poıyz astyna túsip qalǵan, dep jazady Lada.kz
Zardap shegýshi alǵan jaraqaty saldarynan kóz jumdy. Bul týraly Mańǵystaý oblystyq aýrýhanasy travmatologııa jáne ortopedııa bóliminiń meńgerýshisi Janserik Shaýhymberdıev habarlady.
Er adamnyń qoly men aıaǵy kesilip ketken. Jedel járdem brıgadasy zardap shegýshini MOA-ǵa 19 tamyz kúni túngi saǵat 03:40-ta jetkizgen.
«Naýqas travmatıkalyq jáne gemorragııalyq shok alyp, aýyr halde tústi. Jedel ota jasaldy. 19 tamyz kúni saǵat 10:00-den alǵan jaraqaty saldarynan qaza tapty», - dep túsindirdi Janserik Shaýhymberdıev.
Jedel járdem dárigeriniń málimetterine sáıkes, er adam óz-ózin óltirmek bolǵan.
