Aqtaýda 200 keli bekire balyǵymen kólik júrgizýshisi ustaldy
AQTAÝ. QazAqparat - Aqtaý turǵynynyń avtokóliginen 200 keli bekire tuqymdas balyǵy tárkilendi. Bul týraly Mańǵystaý oblystyq Polıtsııa departamentinen málim etti, dep xabarlaıdy QazAqparat tilshisi.
22 aqpan kúni saǵat 17:30 shamasynda Aqtaý qalasynyń Jergilikti polıtsııa qyzmeti Jol-patrýldik polıtsııasy batalonynyń qyzmetkerleri kapıtan N.Qojbanov pen kishi serjant E.Kenje oblystyq Tabıǵatty qorǵaý polıtsııasymen birlese «Toıota Karına» markaly avtokóligin toqtatqan. Onyń tekserý barysynda júk salǵyshynan ruqsat qujattary joq bekire tuqymdas balyqtar tabyldy. Jalpy salmaǵy 200 keli, 53 danany quraıdy.
"Atalǵan derek Aqtaý qalalyq Polıtsııa basqarmasynyń sotqa deıingi tergeýdiń biryńǵaı tizilimine QR QK-niń 339-babymen tirkeldi. Sotqa deıingi tergeý amaldary júrgizilýde", - dep atap ótti vedomstvonyń baspasóz qyzmetinen.
