Aqtaýda 200-den astam turǵyn arzan telefon alamyn dep alaıaqqa aldanǵan

AQTAÝ. KAZINFORM – Aqtaýlyqtar áleýmettik jelide aýdıtorııasy kóp belsendilerdiń jarnamasyna sengen. Olar arzan baǵada telefon alý úshin alaıaqqa qarajattaryn aýdarǵan. Shyǵyn kólemi 140 mıllıon teńgeni qurady. 

Mańǵystaý oblystyq prokýratýrasynyń málimetinshe, kúdiktiniń ústinen birneshe turǵyn shaǵymdanǵan. Sol sebepti ol úıqamaqqa alyndy. 

– Qazirgi ýaqytta tergeý júrip jatyr. Sot úkimimen kúdiktige qatysty úıqamaq túrindegi bultartpaý sharasy qoldanyldy. Áli de tergeý jalǵasady. Jábirlenýshiler kelip jatyr, - deıdi oblystyq prokýrorynyń basqarma basshysy Danııar Tólegenov. 

Mamandardyń aıtýynsha Mańǵystaý oblysynda keıingi 5 aıda alaıaqtyq boıynsha qylmys sany 10 paıyzǵa kóbeıgen. Al, atalǵan oqıǵa boıynsha kúdiktiniń qylmysy dáleldense,10 jylǵa deıin bas bostandyǵynynan aırylýy múmkin.