Aqtaýda 200-den astam buzaqy ákimshilik jaýapqa tartyldy
ASTANA. QazAqparat - Aqtaýlyq polıtseıler bir tún ishinde 200-den astam tártip buzýshyny ustap, ákimshilik jaýapqa tartty.
Olardyń arasynda tyıym salynǵan jerlerde temeki tartyp, tuqyldaryn jerge laqtyrǵandar, alkogoldi ishimdik iship, qoǵamdyq tynyshtyqty buzǵandar bar.
Tártip saqshylary osyndaı usaq quqyq buzýshylarmen kúresý úshin arnaıy reıdke shyqty. Sebebi qalanyń qoǵamdyq oryndaryn lastaıtyndar sany azaıar emes. Jalpy jyl basynan beri oblys boıynsha 10 myńnan astam adam tártip buzǵan, dep jazady khabar.kz.
