Aqtaýda 200-den astam Qulsarydan evakýatsııalanǵan turǵyn jataqhanaǵa ornalasty

AQTAÝ. KAZINFORM - «Aqtaý tehnologııalyq qyzmet kórsetý kolledjiniń» jataqhanasyna sý tasqynynan evakýatsııalanǵan 203 adam ornalasty. Qala ákimdiginiń baspasóz qyzmetiniń málimetinshe, onyń 84-i balalar.

Atalǵan evakýatsııalyq oryn 500 adamǵa arnalǵan. Bul pýnktte adamdar qajetti zattar jáne azyq-túlikpen qamtamasyz etilgen.

«Belsendi azamattar men kásipkerler de qol kómekterin berýde. Jataqhanada arnaıy medıtsınalyq pýnkt bar. Sonymen qatar qala boıynsha azamattarǵa kómek kórsetetin eriktiler toby quryldy. Qazirgi tańda 120 erikti azamattarǵa qyzmet kórsetip jatyr», - dedi Aqtaý qalasy ákiminiń orynbasary Nurtas Salı.

Aqtaýda 17-shaǵyn aýdan 118-ǵımarattaǵy jataqhanada áli de sý tasqynynan evakýatsııalanǵan turǵyndardy qabyldaýdy jalǵastyrady.

Buǵan deıin Sh. Esenov atyndaǵy ýnıversıtettiń 500 oryndyq jataqhanasy Atyraý oblysynyń sý tasqynynan zardap shekken turǵyndaryn qabyldaýǵa daıyn ekeni habarlanǵan bolatyn.