Aqtaýda 2 myń adamǵa arnalǵan drama teatr boı kóteredi
«Ábish Kekilbaıuly atyndaǵy oblystyq ólketaný mýzeıiniń jańa ǵımaraty salynyp jatqany belgili. Qarsy betinde Qabıbolla Sydıyqov atyndaǵy oblystyq kitaphana boı kótergeli jatyr. Eki ǵımarattyń ortasynan bizdiń teatrdyń jańa ǵımaraty da salynǵaly jatyr. Qazirgi ýaqytty jobasy jasaqtalýda», - dedi N.Jantórın atyndaǵy oblystyq-mýzykalyq drama teatrynyń dırektory Nurnııaz Muhanov.
Málim bolǵandaı, teatrdyń úsh zaly bolady. Olardyń biri – 2 myń, ekinshisi – 320 jáne úshinshi – eksperımentaldy zaly 120 orynǵa eseptelgen.
Eksperımentaldy zalda kórermenderdiń qatysýymen oınalatyn spektaklder sahnalanbaq. «Bizde de ondaı spektalder qoıyldy. Búgingi emes, erteńgi kórermenderdi qanaǵattandyratyn úlken ǵımarat bolady. Sondaı-aq tek mýzeı, kitaphana, sahna emes, barlyq qala turǵyndary demalatyn úlken demalys ornyna aınalady dep oılaımyn», - N.Muhanov.