Aqtaýda 18 jastaǵy jigit bir ýaqytta 3 adamdy tonap ketken

AQTAÝ. QazAqparat - Aqtaýda 18 jastaǵy jigit bir ýaqytta 3 adamdy tonap ketken. Bul týraly Mańǵystaý oblystyq Polıtsııa departamentiniń baspasóz qyzmeti málim etti, dep habarlaıdy QazAqparat tilshisi.

«Kúdikti 26 qańtarda saǵat 18:10 shamasynda 7-shaǵyn aýdandaǵy azyq-túlik dúkenderiniń birine kirip, satýshydan aqsha talap etken. Odan soń eki azamatshanyń qol sómkesin tartyp alyp, oqıǵa ornynan boı tasalap ketken», - delingen baspasóz málimetinde.

Atalǵan derek Aqtaý qalasy Polıtsııa basqarmasynda QR Qylmystyq kodeksiniń 191-baby 2-bóligi boıynsha tirkeldi. Kúdikti ýaqytsha ustaý ızolıatoryna qamaldy. Tergeý amaldary júrgizilip jatyr.