Aqtaýda 18 jastaǵy jigitten 182 sıntetıkalyq esirtki jınaǵy tárkilendi
Aqtaýda 18 jastaǵy bozbaladan 182 sıntetıkalyq esirtki jınaǵy tárkilendi. Ol quny 10 mln teńgeden asatyn esirtkimen "Qarasora-2023" jedel aldyn alý is-sharasy kezinde ustaldy. Bul týraly Mańǵystaý oblystyq Polıtsııa departamentiniń baspasóz qyzmetinen málim etti, dep habarlaıdy Kazinform.
18 jastaǵy qala turǵyny 7 qazan kúni saǵat 11:30-da 29 shaǵyn aýdanynda ustalǵan.
“Tintý jumystaryn júrgizý kezinde 182 sıntetıkalyq esirtki jınaǵy tárkilendi.
Turǵylyqty jeri boıynsha tintý barysynda 30 sıntetıkalyq esirtki men 30 gashısh esirtki zaty bar baılam tabyldy”, - delingen baspasóz málimetinde.
Tárkilengen esirtkiniń jalpy salmaǵy 250 grammdy quraıdy.
Sottyń sanktsııasymen kúdikti 2 aıǵa qamaýǵa alyndy.
Atalǵan derek QR Qylmystyq kodeksiniń 296-baby 4-bóligi boıynsha tirkelgen.
Tergeý múddesi úshin ózge aqparat jarııa etilmeıdi.
