Aqtaýda 17 jastaǵy qyz kópqabatty úıdiń shatyrynan sekirmek bolǵan
AQTAÝ. QazAqparat - Aqtaýda polıtseıler úıdiń shatyrynan sekirmek bolǵan 17 jasar qyzdy qutqaryp qaldy, dep habarlaıdy QazAqparat ІІM-ne silteme jasap.
22 mamyr kúni polıtsııa ınspektorlary Islambek Sharjan men Ázimbek Sattar, patrýldik polıtseıler Ǵalym Qojamuratov pen Rýslan Jumabaev 27-shaǵyn aýdan mekenjaıyna jedel shaqyrtý boıynsha bardy.
«Shatyrǵa kóterilgen polıtseıler 17 jastaǵy qyzǵa tómenge sekirýge jol bermeı, ony ustap qalyp, otyrǵan jerinen kóterip aldy», - dep jazdy vedomstvodan.
Polıtseıler oqıǵa ornyna jedel járdem shaqyrdy. Jasóspirim kámeletke tolmaǵandar isi jónindegi ınspektorǵa tapsyryldy.
