Aqtaýda 162 lıft jańartýdy qajet etedi

AQTAÝ. QazAqparat – Aqtaýda 162 lıft jańartýdy qajet etedi, dep habarlaıdy QazAqparat tilshisi.

Óńirdegi lıftilerdi jańartý maqsatynda oblystyq ákimdik pen «Qazaqstan lıftshileriniń ulttyq qaýymdastyǵy» yntymaqtastyqqa qol qoıdy.

Kelisim aıasynda turǵyn úılerdegi tozyǵy jetken lıftter aýystyrylady. Aıta keteıik, qazirgi tańda qala aýmaǵyndaǵy 162 lıft jańartýdy qajet etedi.

«Búgingi kelisim qandaı lıftiler qoıý kerektigin jáne oǵan qoıylatyn talaptardy aıqyndaıdy. Múmkindigi shekteýli adamdardyń júrip-turýyna da jaǵdaı jasalmaq»,-deıdi Mańǵystaý oblysy ákiminiń orynbasary Baqytjan Qashaqov.