Aqtaýda 16 medıtsına qyzmetkeri aýyzasharda astan ýlandy
«10 sáýir kúni Aqtaý qalasyndaǵy meıramhananyń birinde aýyzashar bolǵan. Aýyzasharǵa qala, aýdandyq emdeý mekemeleriniń dárigerleri, jalpy 50 adam shaqyrylǵan.
Mańǵystaý oblystyq kópbeıindi aýrýhanasy juqpaly aýrýlar bóliminiń málimetinshe, 16 adam ýlaný belgilerimen shaǵymdanǵan», - delingen Mańǵystaý oblystyq Densaýlyq saqtaý basqarmasynyń baspasóz qyzmeti usynǵan málimette.
Aýrýhana dárigeri naýqastardyń búgingi jaǵdaıy týraly aıtty.
«Onyń ishinde 6 adam ambýlatorlyq emge joldandy, al 10 adam juqpaly aýrýlar bólimine jatqyzyldy. Naýqastarda joǵary qyzý, qusý, ish ótý, jedel ishek ınfektsııasyna tán ıntoksıkatsııa sındromy bolǵan. Barlyq qajetti sharalar qoldanylyp, em júrgizilip jatyr. Eshqandaı qaýip joq, naýqastardyń jaǵdaıy turaqty, temperatýrasy birqalypty, dınamıkasy oń. Barlyq analızder alynyp, em qabyldaýda. Shaǵymmen kelgen kezde qan qysymy tómen bolǵan, ınfýzıondy terapııadan keıin jaǵdaılary jaqsardy», – deıdi Mańǵystaý oblystyq kópbeıindi aýrýhanasy juqpaly aýrýlar bóliminiń meńgerýshisi Gúlbaný Nurjanova.