Aqtaýda 150 adam kesheden beri Antalııaǵa usha almaı otyr
AQTAÝ. QazAqparat - Ushaqtyń buzylýy saldarynan 140-tan astam adam Aqtaýdan Antalııaǵa usha almaı otyr. Bul týraly Sunkar Air áýe kompanııasyna silteme jasap lada.kz habarlady.
Keste boıynsha Sunkar Air áýe kompanııasynyń reısi Aqtaýdan Antalııaǵa keshe, tańerteń 07:00-de ushýy tıis bolǵan. Jolaýshylardyń ushaqty kútip otyrǵanyna bir táýlikten asty.
«Áýe kompanııasy reısti birneshe ret keıinge qaldyrdy. Bizge kompanııa ókilderiniń kelmeı jatqany yzalandyryp jatyr. Jaǵdaıdy eshkim túsindire almaıdy, ushamyz ba, joq pa - eshkim aıta almaıdy. Biz áýejaıda qur bosqa otyrmyz. Munda 150 adam bar, sonyń 40-y balalar», - deıdi jolaýshylardyń biri.
Sunkar Air áýe kompanııasynyń dırektory Talǵat Joldybaevtyń aıtýynsha, reıs tehnıkalyq sebeppen keshigip jatyr.
«Jeksenbi kúni Aqtaýǵa kelgen ushaqtyń bortyndaǵy kompıýter buzylǵan. Biz oǵan jyldam tapsyrys berdik. Ony Aqtaýǵa keshkisin jetkizdi. Biraq onyń ózinde de aqaýy bar bolyp shyqty. Ekinshi detal búgin túnde jetedi. Biraq jolashylardy Almatydan Malege baratyn basqa ushaqpen jetkizýge sheshim qabyldadyq. Jolaýshylar Antalııaǵa búgin, 22:00-de sol ushaqpen ushady. Olarǵa ótemaqy tóleımiz. Antalııa qonaqúılerindegi qosymsha bir kúniniń aqysyn tólep beremiz. Jolaýshylardy kelesi apta seısenbi kúni emes, sársenbide alyp qaıtamyz. Olar eshteńe joǵaltpaıdy, bizdiń kompanııa mundaı jaǵdaıǵa alǵash ret tap bolyp otyr», - deıdi Talǵat Joldybaev.
