Aqtaýda 15 jastaǵy qyzdy zorlady degen kúdikpen er adam qamaldy
AQTAÝ. QazAqparat - Aqtaýda 15 jastaǵy qyzdy zorlaý deregine qatysty qylmystyq is qozǵalyp, er adam tergeý ızolıatoryna qamaldy,-dep habarlaıdy QazAqparat tilshisi.
Bul týraly Ortalyq kommýnıkatsııalar qyzmetiniń óńirlik fılıalynda ótken brıfıngide oblystyq polıtsııa departamenti jáne prokýratýra organdarynyń ókilderi málimdedi.
2005 jyly týǵan A. esimdi qyz balanyń zorlanǵanyn bilgen anasy osy jyldyń 8 mamyr kúni oblystyq polıtsııa departamentine aryz túsiredi.
Shuǵyl izdestirý sharalarymen kúdikti qolǵa tústi. Oǵan qarsy qylmystyq Kodekstiń eki birdeı babymen qylmystyq is qozǵalyp otyr.
«Kúdiktiniń is-áreketine oraı QR qylmystyq Kodeksiniń 120-shy babynyń 3-shi jáne 1-shi baby 1,2 tarmaqtarymen ıaǵnı, kámelet jasqa tolmaǵan adamdy zorlaý (belgili bir laýazymdardy atqarý ne belgili bir qyzmetpen aınalysý quqyǵynan ómir boıyna aıyra otyryp) jáne QR QK 122-shi babynyń 3-shi bóligimen (16 jasqa tolmaǵan adammen jynystyq qatynas ne seksýaldyq sıpattaǵy ózge de áreketter jasaý) 17 jylǵa deıingi merzimge bas bostandyǵynan aıyrý jazasy kózdelgen. 10 mamyrda tergeý sotymen kúdikti tulǵaǵa qatysty qoldanylǵan «Kúzetpen ustaý» túrindegi bultartpaý sharasyna eki aıǵa sanktsııa berildi. Qylmystyq istiń sapaly jáne obektıvti tergelýin qamtamasyz etý maqsatynda tıisti saraptamalar taǵaıyndaldy» - dedi oblys prokýrorynyń orynbasary Erjan Turmaǵanbetov.
Qazirgi tańda kúdikti tulǵa sot sanktsııasymen tergeý ızolıatoryna qamaýǵa alyndy. Aqtaý qalasynyń E. esimdi turǵynyna qatysty sotqa deıingi tergeý amaldary jalǵasyp jatyr.
Qylmystyq is boıynsha qajetti saraptamalar taǵaıyndalǵan. Nátıjesi sotqa joldanatyn bolady.
