Aqtaýda 13 jasar qyzdy zorlaǵan pedofıl 22 jylǵa sottaldy

AQTAÝ. KAZINFORM — Mańǵystaý oblystyq qylmystyq ister jónindegi mamandandyrylǵan aýdanaralyq sotynda jasóspirimdi zorlaý jáne oǵan qatysty seksýaldyq sıpattaǵy zorlyq-zombylyq áreketin jasady dep aıyptalǵan azamattyń isi qaraldy.

Sot málimetine súıensek, sottalýshy 2023 jyldyń tamyz aıynan qarasha aıy aralyǵynda jasóspirimniń dármensiz jaǵdaıyn paıdalanyp, ony birneshe ret zorlap jynystyq qatynasqa túsip, oǵan qatysty seksýaldy sıpattaǵy zorlyq-zombylyq áreketterin jasap kelgen. 

Sottalýshynyń kinási kýágerlerdiń bergen jaýabymen, zattaı dáleldermen, sarapshylardyń qorytyndysymen jáne tergeý hattamalarymen tolyq dáleldengen.

Sheshim shyǵarýshy organ sottalýshyny QK 120-babynyń 4-bóligi, 121-babynyń 4-bóliginde kózdelgen qylmysty jasaǵany úshin kináli dep tanydy.

Sot ony pedagogıkalyq jáne kámeletke tolmaǵandarmen jumys isteýmen baılanysty laýazym atqarý quqyǵynan ómir boıyna aıyra otyryp, taǵaıyndalǵan jazalardy ishinara qosý jolymen túpkilikti 22 jyl merzimge bas bostandyǵynan aıyrdy. 

Úkim zańdy kúshine engen joq.