Aqtaýda 13 jańa shaǵyn aýdandy elektr qýatymen qamtıtyn qosalqy stantsııalar salynyp jatyr

AQTAÝ. QazAqparat – Aqtaý qalasyndaǵy jańa shaǵyn aýdandardy elektr energııasymen qamtý úshin arnaıy joba iske asyrylyp jatyr. Kabeldik jeli men «HAB-1» jáne «HAB-2» qosalqy stantsııalary 13 shaǵyn aýdandy tok kózimen qamtamasyz etedi, dep habarlaıdy QazAqparat tilshisi.

«Kaspıı energetıkalyq haby» syrtqy ınfraqurylymyn salý jobasy aıasynda kerneýligi 110 kv elektr beretin jeli jáne 2 qosalqy stantsııa (110/10 kv qosalqy stantsııa) salynyp jatyr. Kabel jelisiniń jalpy uzyndyǵy – 4 760 metr bolady», - deıdi Aqtaý qalalyq qurylys bóliminiń mamandary.

Qosalqy stantsııa ǵımarattarynyń jalpy aýdany – 1514,5 sharshy metr. HAB-1 jáne HAB-2 qosalqy stantsııasy 13 jańa shaǵyn aýdandy (18, 18a, 19, 20, 20a, 19a, 36-42) elektr energııasymen qamtamasyz etýge múmkindik bermek. Sonymen qatar, elektr jelilerin jobalaý barysynda qýattylyǵyn arttyrý úshin bolashaqta basqa qosalqy stantsııalardy da qosý qarastyrylǵan.