Aqtaýda 12 jastaǵy bala kóshede kóz jumdy
Aldyn ala málimet boıynsha, balanyń júregi toqtap qalǵan. Osy oqıǵaǵa qatysty Aqtaý qalasynyń turǵyndary, oqıǵa kýágerleri áleýmettik jelide jazba qaldyrdy.
Mańǵystaý oblysy Jedel járdem stantsııasynyń dırektory Aıralbek oqıǵaǵa qatysty túsinik berip, balanyń júregi dárigerler kelgenge deıin toqtap qalǵanyn, alaıda feldsher balany jarty saǵattaı reanımatsııalaýǵa tyrysqanyn aıtty
«Brıgadaǵa shaqyrtý túskennen keıin sol orynǵa toǵyz mınýtta jetti. Balany birden tekserdi. Alaıda balanyń júregi dárigerler kelgenge deıin toqtap qaldy. Osyǵan qaramastan, feldsherler 30 mınýt júrek-ókpe reanımatsııasyn júrgizdi. Bizdegi ereje sondaı. Biraq, ókinishke qaraı bul nátıje bermedi. Balany kóshede ótip bara jatqan adamdar taýyp, habarlaǵan», - dedi Aıralbek Shyrshyqbaev.