Aqtaýda 102 jastaǵy tyl ardageri Raýysh Imanbaeva merekeni atap ótti
AQTAÝ. QazAqparat - 8 naýryz qarsańynda 1 qańtar kúni 102 jasqa tolǵan tyl ardageri Raýysh Imanbaeva da merekeni atap ótti. Ony 4 balasy, 40 nemeresi, 28 shóberesi jáne 10 shópshegi quttyqtaýda, dep habarlaıdy «QazAqparat» HAA tilshisi.
«Uly Otan soǵysyndaǵy jeńisti kórgenim úshin Allaǵa jáne taǵdyryma alǵys aıtamyn. Bul jeńis bizge ońaılyqpen kelgen joq. Men nemerelerimdi, shóberelerimdi, shópshekterimdi baǵyp-qaqtym, qazir meıirim-mahabbatqa bólenip ómir súrýdemin. Qazirge deıin otbasyma paıdam tııýde. Qazir nemeremniń úıinde turyp jatyrmyn, barlyǵy jumys isteıdi, al men shóberemdi ósirýdemin», - deıdi Raýysh apaı.
Ol 1915 jyly 1 qańtar kúni Atyraý oblysy, Teńiz aýdany, Botaqan aýylynda Qabý men Umsynaıdyń otbasynda dúnıege kelgen.
Otbasynda tórtinshi bolyp ómirge kelgen. Bar-joǵy 3 synyptyq bilim alǵan. 20 jasynda Shııapqa turmysqa shyǵady. Barlyǵy 7 qursaq kóteredi. Soǵys bastalǵanda joldasyna bron beredi, ol qaıyqtaǵy balyqshylardyń brıgadıri retinde jumys jasap, maıdandy azyqpen qamtamasyz etken.
Raýyshtyń ózi balalaryna qarap, kúndiz joldasyna kómektesip barlyǵyna úlgergen. Al túnde aýyldaǵy barlyq áıelder sekildi maıdandaǵylar úshin shulyq, qolǵap jáne moıynoraýyshtar toqyǵan. Soǵys kezinde Raýysh apa jaıly «Qyzyl juldyz» gazetinde maqala jarııalanǵan. Onyń kóshirmesi Almaty qalasyndaǵy muraǵatta saqtalǵan.
Ol joldasymen 34 jyl otasyp, 1969 jyly uzaqqa sozylǵan aýyr naýqastan otaǵasy kóz jumady. Qazir onyń 7 balasynyń tórteýi tiri. Onyń ortanshy uly MAI-da qyzmet jasap, 45 jasynda zeınetke shyqty.
2002 jyly tyl ardageri Aqtaý qalasyndaǵy nemeresine kóship keledi. Raýysh apa densaýlyǵyna kútimmen qarap, azyq-túlik satyp alarda muqııat qarap alady eken. Sondyqtan, onyń densaýlyǵy syr bere qoımaǵan. 
«Men balyq jáne sút ónimderin, ásirese shubatty jaqsy kóremin. Bul - óte paıdaly. Biz soǵys jyldary balyqty aýmen aýladyq. Ashtyq kezinde balyqtan basqa tiske basar eshteńe bolmady. Biraq, men balyqty qazirge deıin jaqsy kóremin. Jastarǵa myqty densaýlyq pen áıel baqytyn tileımin. Barlyq áıelder qaýymyn merekemen quttyqtaımyn! Bardy baǵalańyzdar, súıińizder, janyńyzdaǵy adamdardy qadirleńizder. Biraq adamdar bul shyndyqty kesh túsinip jatady», - dep tilek aıtty R.Imanbaeva. 
