Aqtaýda 10-qabattaǵy terezeden syrtqa shyǵyp oınaǵan balalardyń ata-anasy jazalandy
AQTAÝ. QazAqparat - Keshe Aqtaýdaǵy «Atakent» turǵyn úı kesheniniń 10-qabatynda terezeden shyǵyp, erneýinde júrgen balalardyń ata-anasy anyqtalyp, jaýapkershilikke tartyldy, dep habarlaıdy QazAqparat tilshisi.
Bul týraly Mańǵystaý oblystyq ishki ister departamentiniń baspasóz qyzmeti málim etti.
«ıÝvenaldy polıtsııa dereý páterge bardy. Osyndaı jaǵdaılardyń aldyn alý maqsatynda kámeletke tolmaǵandarmen, sondaı-aq ata-analarmen profılaktıkalyq áńgime júrgizdi. Ata-analar Ákimshilik quqyq buzý kodeksiniń 127-babynyń 1-bóligi boıynsha jaýapkershilikke tartyldy» delingen málimdemede.
Mańǵystaý oblysynyń polıtsııa departamenti qala turǵyndaryna balalardy qaraýsyz qaldyrmaýyn, olardyń qaýipsizdigin qamtamasyz etýi kerektigin eskertip otyr.
Eske sala keteıik, keshe 10-qabattaǵy páter terezelerinen kirip-shyǵyp oınap júrgen 3 qyz bala kóshedegi adamdardyń kózine túskenin jazǵan edik.
