Aqtaýda 1 tamyzdan bastap sý, jylytý jáne káriz tarıfteri ózgeredi

AQTAÝ. KAZINFORM — Mańǵystaý oblystyq tabıǵı monopolııalardy retteý departamentinde «Kaspıı jylý, sý arnasy» kommýnaldyq mekemesiniń ótinimi boıynsha bekitilgen sýdyń barlyq túriniń, jylý energııasynyń jáne kárizdiń jańa tarıfteri belgili boldy. 

Jańa tarıfter 2025 jyldyń 1 tamyzynan bastap esepteledi. Ósim elektr energııasynyń qymbattaýymen baılanysty.

— Taratý jelileri arqyly aýyz sý berý qyzmetterine tarıfter 1 sharshy metr úshin 147,19 teńgeden 149,18 teńgege deıin, tehnıkalyq sý — 1 sharshy metr úshin 65,92 teńgeden 65,96 teńgege, ystyq sý — 1 sharshy metri 174,01 teńgeden 180,39 teńgege ósti. Al, jylý energııasyn berý jáne bólý jónindegi qyzmetter 1 Gkal úshin — 1208,85 teńgeden 1249,89 teńgege deıin ósti. Shyǵarý jáne sý burý tarıfi — tekshe metr úshin 85,67-den 88,60 teńgege qymbattady, — delingen habarlamada.

Buǵan deıin, Mańǵystaýda ekologııalyq zań talaptaryn buzǵan 11 karerdiń anyqtalǵanyn jazǵan bolatynbyz.