Aqtaýda 1 mamyrdan elektr energııasynyń tarıfteri qymbattaıdy
ASTANA. QazAqparat - Aqtaýda 1 mamyrdan bastap, elektr energııasynyń tarıfteri qymbattaıdy, dep habarlaıdy «Lada» «MAEK-Kazatomprom» JShS bas dırektorynyń orynbasary Qydyrbaı Qasymbekovke silteme jasap.
- Búginde elektr energııasy tarıfterin kótergen jaǵdaıda da, ózindik qunynan tómen bolǵaly tur. Bizdiń jalǵyz jetkizýshimiz «QazTransGazAımaq» tarapynan taýarlyq gaz baǵasynyń birneshe ret ósýinen jáne kúrdeli jóndeý jumystaryna qarajattyń qajettiginen tarıfti kóterýge májbúr boldyq. Onyń ústine, bıylǵy jyl basynda atalǵan gaz jetkizýshi aldyndaǵy «MAEK-Qazatomónerkásip» JShS qaryzy 2,7 mıllıard teńgeni qurady. Ónimniń ózindik qunynyń 60 paıyz úlesin alyp otyrǵan tabıǵı gaz «MAEK-Qazatomónerkásip» JShS óndirisi úshin negizgi otyn bolyp tabylady», - dedi Qydyrbaı Qasymbekov qoǵamdyq tyńdaýlar barysynda.
Tarıf 2,07 teńgege qymbattaıdy. Buryn elektr energııasynyń quny 9,53 teńge bolsa, 1 mamyrdan bastap, 11,60 teńge bolady.
Q.Qasymbekovtyń málimdeýinshe, «MAEK-Qazatomónerekásip» JShS úshin elektr energııasy óndirisiniń ózindik quny bir kv/saǵatqa 12,06 teńgeni quraıdy.
