Aqtaýda 1,5 jasar balanyń óńeshine turyp qalǵan tıyn alyndy
AQTAÝ. QazAqparat - Aqtaýda bir jarym jasar balanyń óńeshinen 10 teńgelik tıyn alyndy, dep xabarlaıdy QazAqparat tilshisi.
22 sáýir kúni oblystyq aýrýxananyń qabyldaý bólimine bir jarym jasar bala kelip tústi. Búldirshinniń tynys alýy qıyndap, jótele bergen. Dárigerler dereý rentgenge túsirip, balanyń ishinde bógde zattyń baryn anyqtaıdy.
Dáriger Nasýxan Otarǵazıev dereý otasyz «Kateter foleıa» apparatyn qoldanyp, tıyndy balanyń ishinen shyǵaryp alady.
Mańǵystaý oblystyq densaýlyq saqtaý basqarmasy baspasóz qyzmetiniń xabarlaýynsha, qazir balanyń jaǵdaıy birqalypty.
