Aqtaý–Beıneý jolyndaǵy avtobýs apaty: zardap shekkenderdiń jaǵdaıy qalaı
AQTAÝ. KAZINFORM — Qazir Beıneý aýdandyq aýrýhanasynda túrli jaraqat alǵan 7 naýqas em qabyldap jatyr, dep habarlaıdy Mańǵystaý oblysy ákiminiń baspasóz qyzmeti.
Aımaq basshysy Nurdáýlet Qılybaı Aqtaý–Beıneý avtojolynda bolǵan jol-kólik oqıǵasy saldarynan qaza tapqan azamattardyń otbasylaryna baryp, kóńil aıtty. Sondaı-aq apattan zardap shekken naýqastardyń jaǵdaıymen tanysty.
Qazir Beıneý aýdandyq aýrýhanasynda túrli jaraqat alǵan 7 naýqas em qabyldap jatyr.
— Olardyń barlyǵynyń jaǵdaıy turaqty. Zardap shekkenderge qajetti medıtsınalyq kómek tolyq kólemde kórsetilip jatyr, — dedi dárigerler.
Oblys ákimi naýqastardyń hal-jaǵdaıyn surap, medıtsınalyq kómektiń sapaly ári ýaqtyly kórsetilýin qamtamasyz etý jóninde naqty tapsyrmalar berdi.
Aıta keteıik, 16-qańtarda respýblıkalyq mańyzy bar Aqtaý-Beıneý avtojolynda jol-kólik oqıǵasy bolyp, saldarynan 4 adam mert bolyp, adam shyǵyny tirkeldi, birqatar azamat túrli deńgeıdegi jaraqattar aldy.