Aqtaý: Jol erejesin buzǵan kortej júrgizýshisine aıyppul salyndy
ASTANA. QazAqparat - Aqtaýda jol qozǵalysy erejesin óreskel buzǵany úshin polıtsııa qyzmetkerleri kortej júrgizýshisine aıyppul saldy, dep jazdy www.lada.kz.
«Áleýmettik jelide jarııalanǵan «Perzenthanadan kele jatqan kortej» atty beınerolıktegi kórinis boıynsha polıtsııa tıisti shara qoldandy»,-dep jazady portal.
Kadrda kortej júrgizýshileriniń kólikterimen jolda beı-bereketsiz ketip bara jatqany kórinedi. Al jolaýshylardyń biri kóliktiń terezesinen shyǵyp alǵan.
«Jolaýshysy qaýipsizdik belbeýin taqpaı otyrǵan kólik júrgizýshisine polıtsııa qyzmetkerleri QR QK-niń 593 baby 1 bóligi boıynsha hattama toltyrdy»,-dedi Mańǵystaý oblystyq Polıtsııa departamentiniń baspasóz qyzmeti.
Bul jolaýshylar men júk tasymaldaý erejelerin buzý áreketterine qatysty bap. Bul bap 5 aılyq eseptik kórsetkish nemese 12 myń 25 teńge kóleminde aıyppul salýdy qarastyrady.
