Aqtaý-Jetibaı trassasynda júk kóligi Toyota Camry-men soqtyǵysty (FOTO)
ASTANA. QazAqparat - 18 naýryzda Aqtaý-Jetibaı trassasynda jol-kólik oqıǵasy oryn aldy. Apat saldarynan Toyota Camry-diń 50 jastaǵy júrgizýshisi túrli jaraqattarmen aýrýhanaǵa jetkizildi, dep habarlady lada.kz.
Samosvaldyń 25 jastaǵy júrgizýshisi júk kóligimen soqtyǵysýdyń aldyn alý maqsatynda qarsy jolaqqa shyǵýǵa májbúr bolyp, Toyota Camry kóligimen soqtyǵysty.
- Jetibaıǵa bara jatyp, aldymda júk kóligin kórdim. Jaqyndaı bergende onyń júrgizýshisi artqa qaraı júre bastady. Onymen soqtyǵyspaý úshin solǵa burylyp, qarsy jolaqqa shyǵýǵa májbúr boldym. Qarsy jolaqta Toyota Camry júrgizýshisi kele jatqan. Mende basqa amal bolmady. Júk kóliktiń júrgizýshisi oqıǵa ornynan izin sýytty, - dedi samosvaldyń júrgizýshisi.
