Aqtaý jáne Quryq teńiz porttarynyń tranzıttik múmkindikterin damytý máseleleri talqylandy

NUR-SULTAN. QazAqparat - Senattyń Ekonomıkalyq saıasat, ınnovatsııalyq damý jáne kásipkerlik komıteti Aqtaý jáne Quryq teńiz porttarynyń tranzıttik múmkindikterin damytý máseleleri boıynsha Mańǵystaý oblysynda kóshpeli otyrys ótkizdi, dep habarlaıdy QazAqparat.

Qatysýshylardyń baıandamalary boıynsha, qazirgi ýaqytta Quryq, Aqtaý jáne soltústik Aqtaý teńiz termınaly 25, 80 jáne 60 paıyzdyq kórsetkishterge sáıkes jumys istep keledi jáne bir-birine básekeles bolyp otyr.

Sondaı-aq, Quryq portynda óz paromdarynyń bolmaýyna baılanysty Ázirbaıjan paromdaryn jalǵa alýǵa táýeldi bolyp otyrǵany da aıtyldy. Taraptar sonymen qatar portta qajetti qurǵaq júk pen ınfraqurylymnyń salynbaǵany, atap aıtqanda qoımalardyń joqtyǵy negizgi problema ekenin atap ótti.

«Qazaqstan temir joly» UK» aktsıonerlik qoǵamy Basqarma tóraǵasynyń orynbasary Pavel Sokolovtyń aıtýynsha, Qazaqstanda birdeılengen tarıfter deńgeıi EAEO-ǵa múshe basqa elderge qaraǵanda 2-3 ese tómen ári ol kólik kompanııalaryn teńsizdikke ushyratyp otyr.

Kóshpeli otyrysqa qatysýshylar ınfraqurylymdy jańǵyrtý, tranzıtti ulǵaıtý úshin jaǵdaı jasaý, tranzıtti tekserýge moratorıı engizý múmkindikterimen birge ákimshilik kedergilerdi azaıtý qajettigin problemalardyń sheshimi retinde atap ótti.

Depýtattarǵa sondaı-aq otandyq kemelerdiń Reseıdiń ishki sý joldary arqyly ashyq teńizderge tranzıtpen ótýine ruqsat berýdegi 3 aıdan 6 aıǵa deıin sozylatyn rásiminiń uzaqtyǵy týraly da aıtyldy.

Serik Jaqsybekov sharany qorytyndylaı kelip, 2020-2025 jyldarǵa arnalǵan Densaýlyq saqtaý men bilim berýdi damytý jónindegi qabyldanǵan jańa memlekettik baǵdarlamalarǵa basa nazar aýdardy jáne aıtylǵan usynystardy Parlament jumysynda paıdalanylatynyn jetkizdi.